Jauregi etxea

Bergara hiribildua XIII. mendean sortu zen, Ariznoako San Pedro parrokia dagoen lekuaren inguruan. 

Jauregi hau, hasieran, toki estrategiko batean kokatutako eraikin sendoa zen. Erdi Aroko jatorrizko hiribilduaren mugan zegoen, etxe-uhartearen amaieran. 

Estilo gotikoko etxe hau 1500 inguruan eraiki zuten.

Etxe honek lehen mailako garrantzia duen osagai artistiko bat du, 1500 ingurukoa: tapiza bailitzan, lehen solairu osoa estaltzen duen erliebe figuratibo eder eta bitxia.